Smrithi Than Chirakileri

സ്മൃതി തൻ ചിറകിലേറി ഞാനെൻ...
ശ്യാമ ഗ്രാമ ഭൂവിലണയുന്നു.... (2)
അരയാലും... കുളവും.. ഈ കല്പടവും...
പുനർജന്മ മെനിക്കേകുന്നു... ഞാനെന്റെ...
ബാല്യത്തിൻ ... തീരത്ത് നിൽക്കുന്നു....!

മുത്തച്ഛൻ ഇത്തിരി മധുരവുമുപ്പും...
ചേർത്തന്നു ചോറൂണു നൽകിയ നടയിൽ.... (2)
ഞാനിന്നു നിൽക്കേ... അറിയാതെ ... ഓർപ്പൂ...
കനവിൻ മധുരവും... കണ്ണീരിൻ... ഉപ്പും...
ഒരു നെയ്ത്തിരിയായ് ... തെളിയുന്നൂ....
ഹൃദയത്തിലെന്നുടെ... പൈതൃകം......

പുഴയോരം നിൽക്കുമീ... കൈത തൻ പൂ പോൽ...
പാതിമെയ്‌ മറഞ്ഞെന്നെ... കുളിരമ്പേയ്തവൾ...(2)
അന്നെന്റെ മനസ്സോ ... മുഗ്ദ സൌന്ദര്യത്തിൻ...
ആദ്യാനുഭൂതി തൻ ആനന്ദമറിഞ്ഞൂ...
നറു നിലാവായിന്നും... നിറയുന്നൂ....
ഹൃദയത്തിലവളുടെ... സൗന്ദര്യം....!